News

📰 खर्दे येथे राष्ट्रवादी काँग्रेस शरद पवार गटाला खिंडार ग्रामपंचायत सदस्यांसह कार्यकर्त्यांचा शिवसेना शिंदे गटात प्रवेश

Yogesh Vaidkar August 24, 2025

खर्दे (प्रतिनिधी) : खर्दे गावातील राजकारणात मोठी राजकीय घडामोड घडली असून राष्ट्रवादी काँग्रेस शरद पवार गटाला मोठे खिंडार पडले आहे. गावातील अनेक प्रभावी ग्रामपंचायत सदस्य व कार्यकर्त्यांनी आपला पाठिंबा बदलत शिवसेना शिंदे गटात जाहीर प्रवेश केला.

ग्रामपंचायत सदस्य रमाबाई नवल पाटील, वर्षा उमेश पाटील, विठ्ठल जंगलु भिल, मायाबाई दीपक भिल, शुभांगी रोहिदास वाघ यांच्यासह कृष्ण लोटन पाटील (मनसे) यांनी पक्षांतर करून शिवसेना शिंदे गटाचा झेंडा हाती घेतला. या प्रवेश सोहळ्याचे आयोजन मोठ्या उत्साहात करण्यात आले होते.

हा प्रवेश पालकमंत्री ना. गुलाबरावजी पाटील यांच्या हस्ते पार पडला. यावेळी गावातील मान्यवर मोठ्या संख्येने उपस्थित होते. त्यात बापू रामदास पाटील, राहुल रामकृष्ण पाटील, बारकू गंगाराम पाटील, रविंद्र कौतिक पाटील, राजेंद्र नत्थु पाटील, शांताराम कोळी, दीपक मधुकर कोळी, मंगलाबाई अर्जुन चांभार (विकासो चेअरमन), प्रियांका मनोज कोळी, रत्नाबाई संभाजी चांभार, लताबाई देविदास कोळी, माजी सरपंच कैलास पाटील यांचा समावेश होता.

पालकमंत्री गुलाबराव पाटील यांनी या प्रसंगी कार्यकर्त्यांचे स्वागत करताना म्हटले की, “शिवसेना शिंदे गट हा विकासाभिमुख राजकारणावर विश्वास ठेवतो. जनतेच्या अडचणी सोडवणे व गावांचा सर्वांगीण विकास करणे हेच आमचे ध्येय आहे. खर्दे येथील ग्रामपंचायत सदस्यांचा पक्षप्रवेश ही जनतेच्या विश्वासाची पावती आहे.”

या प्रवेशामुळे खर्दे येथील राजकीय समीकरणांमध्ये मोठा बदल होणार असून स्थानिक स्वराज्य संस्थांमध्ये याचे पडसाद उमटण्याची शक्यता राजकीय वर्तुळात व्यक्त होत आहे.