लाडलीत व्यायामशाळा साहित्याचे लोकार्पण
लाडली (ता. धरणगाव) : गावातील युवकांना क्रीडाक्षेत्रात प्रोत्साहन मिळावे व शारीरिक तंदुरुस्तीला चालना मिळावी, या हेतूने व्यायामशाळेसाठी आवश्यक साहित्याचे लोकार्पण माजी जिल्हा परिषद सदस्य प्रतापराव गुलाबराव पाटील यांच्या हस्ते नुकतेच करण्यात आले.
क्रीडा आणि शिक्षण यांचा समतोल आवश्यक
कार्यक्रमात मार्गदर्शन करताना पाटील म्हणाले, “शिक्षणासोबत क्रीडाक्षेत्रातही तरुणांनी पुढे यावे. नियमित व्यायाम केल्याने शारीरिक व मानसिक विकास घडतो. तंदुरुस्त युवक हेच भविष्यात सशक्त समाजाचे पाया आहेत.”
उत्साहात तरुणांचा सहभाग
लोकार्पण सोहळ्याला सरपंच गजानन पाटील, ग्रामपंचायत सदस्य, ग्रामस्थ व गावातील तरुण मोठ्या संख्येने उपस्थित होते. नवीन व्यायाम साहित्य पाहून तरुणांमध्ये उत्साहाचे वातावरण निर्माण झाले.
क्रीडाप्रेमींसाठी आनंदाची बाब
लाडलीसारख्या ग्रामीण भागात व्यायामशाळा साहित्याची सुविधा उपलब्ध झाल्याने क्रीडाप्रेमी युवक व ग्रामस्थांनी समाधान व्यक्त केले. ही सुविधा तरुणांच्या व्यक्तिमत्त्व विकासासाठी उपयुक्त ठरेल, असा विश्वास व्यक्त करण्यात आला.
About the Author
