📰 नवीन तरसोद – फागणे महामार्गावर भीषण अपघात

नवीन तरसोद – फागणे महामार्गावर भीषण अपघात झाला. एका टँकरला मागून भरधाव ट्रकने जोरदार धडक दिल्याने ट्रकचा पुढील भाग पूर्णपणे चेंदामेंदा झाला. अपघात इतका भीषण होता की वाहनाचा लोखंडी सांगाडाच वाकवला गेला.

अपघातानंतर काही काळ महामार्गावर वाहतूक कोंडीची स्थिती निर्माण झाली होती. महामार्ग पोलिसांनी तत्काळ मदतकार्य सुरू केले. जखमींना तातडीने जवळच्या रुग्णालयात हलविण्यात आले आहे.

सुदैवाने टँकरमधील कोणतीही गळती झाली नाही, त्यामुळे मोठा अनर्थ टळला. मात्र, ट्रक चालक जखमी झाल्याची प्राथमिक माहिती समोर येत आहे. पोलिसांनी घटनास्थळी पंचनामा करून पुढील तपास सुरू केला आहे.