🔥 जोश, जिद्द आणि विजयाची उमेद म्हणजे बॉक्सिंग! प्रतापराव पाटील “💪 ५००+ खेळाडूंची उपस्थिती 🌟 महाराष्ट्र राज्य बॉक्सिंग अजिंक्यपद स्पर्धा

धरणगाव तालुक्याला सुगोकी ग्रुपच्या सहकार्यामुळे “राज्यस्तरीय बॉक्सिंग स्पर्धा आयोजनाचा सन्मान

महाराष्ट्र राज्य बॉक्सिंग अजिंक्यपद स्पर्धा उत्साहात संपन्न

पाळधी (प्रतिनिधी): पाळधी येथे सुरु झालेल्या महाराष्ट्र राज्य बॉक्सिंग अजिंक्यपद स्पर्धेला उत्स्फूर्त प्रतिसाद मिळाला. कॅब क्लास मुले, कॅडेट क्लास मुले व युवा गटातील खेळाडूंनी सहभाग घेत स्पर्धेला रंगत आणली.

ही स्पर्धा अ‍ॅड-हॉक कमिटी, महाराष्ट्र बॉक्सिंग असोसिएशन व जळगाव शहर बॉक्सिंग असोसिएशन यांच्या संयुक्त विद्यमाने आयोजित करण्यात आली होती. सुगोकी ग्रुप ऑफ पाळधी व जिल्हा क्रीडा अधिकारी कार्यालय, जळगाव यांच्या सहकार्याने या स्पर्धांचे आयोजन झाले.

१६ ऑगस्टपासून सुरू झालेली ही स्पर्धा २० ऑगस्टपर्यंत रंगली. जिल्हाभरातील तब्बल ५०० हून अधिक खेळाडूंनी सहभाग घेतला होता, त्यांच्या दमदार खेळामुळे स्पर्धा अधिकच आकर्षक बनली होती.

या स्पर्धेच्या बक्षीस वितरण सोहळ्यास माजी जिल्हा परिषद सदस्य श्री. प्रतापराव गुलाबरावजी पाटील प्रमुख पाहुणे म्हणून उपस्थित होते. कार्यक्रमास श्री. धनराज कासट, श्री. रूपेश कासट, श्री. गोपाळ कासट (सुगोकी ग्रुप ऑफ पाळधी), तसेच निलेश बाविस्कर (आयोजक व महासचिव, जळगाव शहर बॉक्सिंग असोसिएशन) यांची उपस्थिती लाभली.

खेळाडूंसाठी प्रोत्साहनपर ठरणाऱ्या या राज्यस्तरीय स्पर्धेमुळे ग्रामीण भागातील बॉक्सिंग क्रीडेला नवी दिशा मिळणार असल्याचे आयोजकांनी सांगितले.

About the Author

Yogesh Vaidkar

Editor

View All Posts